ع الطريق

السلام عليكم ورحمة الله شوية عادات وتقاليد وتقاليع و اهتمامات المجتمع الأمريكي.  بعض ملامح الحياة التي تكاد تكون غير مهمة لمغتربة انطوائية مثلي لكن الغريب أنها أصبحت جزء من حياتي اليومية.  كأني أحاول إثبات شيئا ما لعقلي الصغير الذي لم يكن يوما مهتما بالبشر ولم يحاول بأي حال فهمهم. لكن ها هو ذا ، يفاجئني كعادته. أعذروني لن أستطيع سرد المواقف بالفصحى ،  كم أود أن أفعل بس زي مابيقولوا العين بصيرة واليد قصيرة. هذه التحاليل قد لا تمت للواقع بصلة. قد تكون من وحي خيالي.  قد تحتوي على مواقف تجعلك تحزن على بلادنا. تجعلك ثائرا على شعبنا النائم.  توقفك مذهولا أمام شعبا يقدس أشياء لم يتعد عمرها قرنا ، يقولون  تحفا أثرية. هه. ومواقف أخرى قد تخيب ظنك في الصورة التي قد تكون تشكلت في ذهنك عن الولايات المتحدة أو عن السفر للخارج عامة. شوية خواطر ليس أكثر ولا أقل. "وهان عليك تسيب بيتك وعيالك؟" "يا سيدي يعني أقعد وياهم وهم جعانين ولا اسيبهم وهم شبعانين" - أمريكا شيكا بيكا ( ١ ٩ ٩ ٣)  

أنا بكتب الكلام دا حاليا و أنا عندي تسع عشرة سنة، يعني نسبياً صغيرة السن، عشان عدة أسباب... _______________________ ظاهرة يمكن منتشرة خصوصًا في مجتمعنا هنا هي إن ما أن تأتي سيرة ست عدت الثلاثين و متجوزتش سواء في قعدة ستات أو رجالة، عائلية أو شوية صحاب تتخافت الأصوات و تلاقي الناس بتبص في الأرض و تتكسف و تبقي عايزة تعدي الموضوع بسرعة و منهم اللي بيلتزم الصمت أو في اللي ينطلقوا في سلسة من ال"يا حرااام" مع رفع حاجب و "نشوفولها عريس" مع مصمصة الشفايف و كتير من دا إلا من رحم ربي. أنا لما بشوف موقف زي دا بضحك، بضحك علي الموقف وعلي تفكير الناس و علي السطحية البشعة اللي احنا فيها. و علي الهامش كده تلاقي راجل لو كمل ثلاثين من غير ما يتجوز دا كده وحش و عاش و أحلي حاجة العزوبية يابني بعيدًا عن أي أسباب علمية و الإختلافات البيولوجية بين الراجل و الست. بس تعالي كدا نشوف كام حد بيفكر إن الست دي ممكن تكون متجوزتش بمزاجها؟ و عايشة -يا حرااام- لوحدها عشان هي عايزة كده؟  النسبة، هنا في مصر، تكاد تكون منعدمة و احنا مش بنحس بالموضوع دا عشان بنتجنبه و بنخاف نتكلم في و...