كفيف
عمرك فكرت ممكن الكفيف يكون بيشوف إيه ؟
مش قصدي على النظر .. قصدي على الأمور عامة
حوار مع كفيف :
- ازييك النهاردة تمام ؟
- الحمدلله
- ممكن اعرف إنت شايف الأمور حواليك إزاي ؟
- بصي .. ناس كتير بتنسى نعمة البصر ..مع إنها من أهم الحاجات اللي ربنا اعطاها للإنسان ..بس مش كل الحاجات اللي حولينا محتاجة إنك تشوفيها
-إزاي ؟
- يعني إنتي مش بتشوفي بس بعينيكي .. بتشوفي كمان بعقلك وبقلبك ..
وساعات كمان ممكن تشوفي بعقلك وقلبك بس ..ناس كتير مش عارفة الكلام ده ..
أبسط مثال إنك لما بتعرفي ناس جديدة.. أول حاجة بتفتكريها .. (متحكمش على الناس بالمظاهر) .. يعني ماتستخدميش عينيكي بس في إنك تعرفي اللي قدامك عشان المظهر مش هيقولك على طبيعة أو شخصية اللي قدامك .. لازم تستخدمي الحاجتين التانيين ..ومينفعش تحكمي بواحد منهم ..
- عشان لو استخدمتي عقلك بس .. ممكن تكوني قاسية في حكمك ولو قلبك بس .. هتكوني طيبة بزيادة ..ولازم تعرفي إن مش كل الناس هتعرفي تحكمي عليهم وتعرفي حقيقتهم .. بس هتيجي مواقف هتبين اللي جوه اللي قدامك .. ساعتها هتعرفي حقيقتهم
قبل ماتستخدمي عقلك وقلبك في إنك تعرفي اللي حواليكي استخدميهم انك تعرفي نفسك .. وشوفيهـا..الصورة اللي الناس وخداها عنك هي إنتي فعلا ؟
في حاجات كتير تانية ممكن تستخدمي فيها عقلك وقلبك ..زي الاخبار اللي بنسمعها وبنشوفها .. ناس كتير لما تلاقي حاجة في التلفزيون والجرائد أو الراديو تصدق على طول .. عارفة ليه ؟ عشان استخدمت قلبها بس .. طب فكرتوا في الخبر قبل ماتصدقوا ؟ وزنتوه في عقلكوا ؟
الخلاصة إنك تعرفي إنك مع عينك لازم تستخدمي الحاجتين اللي كلمتك عنهم .. عشان لو استخدمتي عينك بس .. هتصدقي كل حاجة تشوفيها .. واحنا للاسف عالم معظمه مظاهر .. ف ماتتخدعيش فيها .. ومتنسيش الكلام ده طول حياتك ..
- شكرا
لما تيجي تحكم على حد - لنفسك مش لغيرك - اقفل عينك .. عشان ماتخدعكش المظاهر .. كأنك كفيف .. قفلت عينك .. شايف إيه ؟
#ملحوظة .. الحوار اللي فوق مش مع كفيف فعلا
.. ده مع الشخص الكفيف اللي جوايا اللي بحاول استخدمه عشان اعرف الناس اللي حواليّا.
تعليقات
إرسال تعليق