و حبه فوق..

ساعات كده  بتحس انك مش ثابت من كميه التغيرات و التقلبات المزاجية اللي ممكن تحصلك في اليوم 

و يوصل معاك الحال انك ممكن الساعه دي تبقي مبسوط جدا و الساعه اللي بعدها تضايق لوحدك 

الفتره دي بتبقى مش عارف انت فيك ايه أو انت عايز ايه و ساعتها ممكن اكتر حاجه كانت بتبسطك ولا تخليك تبتسم حتي 

بتحس أنك  مبقتش انت -أنا مش عارفي انا تهت مني-

كلنا بيحصل معانا كده و بيتهيألي تبقي فتره اللي بيبقي فيها ضغط في ايه حاجه في حياتك دراسه ، شغل ،أهل ...

الفتره دي انت ممكن تشكك في كل حاجه في حياتك هل أنت فعلا بتحب شغلك؟ هي دي العيشه اللي انت كنت راسمها لنفسك؟ انت دخلت الكليه الصح؟ هي دي الرياضه اللي انا بلعبها عشان بحبها؟

الشيطان هيدخلك من كل باب و هيحاول يعقدلك الدنيا كلها 

فتره التقلبات المزاجية دي أو ال  ups and downs زي ما بيقال عليها بالنسبه لي أسوء حتي من الاكتئاب،  عشان انت مبتبقاش عارف انت حاسس بايه؟ اللي هو تتفق مع صحابك الصبح ننزل بليل و نلف البلد كلها و نروح كذا حته و تمام بعدين يجي بليل...ها؟ خلاص كل الطاقه و الإيجابيه راحت 

الفترة دي بتختلف من شخص للتاني،  في ناس خلاص متعايشه كده و سايبه نفسها للتقلبات دي علي حسب مزاجها mood swings 

بس نرجع نقول انك انت المتحكم في نفسك و في عقلك، جسديا و نفسيا كمان 

اه نفسيا، متسبش نفسك للشك و التساؤل و التفكير اللي يحملك فوق طاقتك 

لما تلاقي نفسك مكسل تنزل زق نفسك و مفيش مشاكل تستعين بحد و تتفق معاه و يكون حد رزل عشان يزن عليك تنزل

لما تشك في قدراتك أو حبك لحاجه و انك بدأت تخسر شغفك اتفرج علي صور اول ما بدأت

بص علي أي ملاحظات أو كلام الناس كانت كاتبهولك 

حط لنفسك هدف عايز توصل له من الحاجه دي و فكر نفسك دايما بيه  

دا مش معناه انك هتفضل علي طول فوق و خلاص ،بس هتقلل  التقلبات و هتحس انك مسيطر علي حياتك 

أبعد عن الناس السلبيه و خليك في نفسك 

انت مش زي أي حد 

مش لازم تبقي سنه جديده أو شغل جديد أو بيت جديد عشان تقرر أنك تتغير 

املي وقتك بحاجه تغذي روحك اد ما بتغذي عقلك ساعتها مش تسيب وقت للهمدان و السلبيات تملاك

و لما تلاقي نفسك بتقع و بتلخبط  و بتفشل  اقف  و ارجع حاول تاني من أول و جديد

أتحكم في غرائزك  و شهواتك  اللي بتخليك تضيع وقت أو تكسلك

اقعد مع نفسك قبل ماتنام ا احسب وقتك بيضيع في ايه ،

أكتب عايز تعمل ايه بكره ،املي اليوم حاجات و خليك مشغول في حاجات مفيده حتي لو كانت خروجه مع أهلك او صحابك 

ابدأ مش من بكره 

من دلوقتي :))

'السهم كلما سحب للخلف،  كان أشد انطلاقا  '

'الخبطه  الجامده لو مموتش منها تبقي اجمد '

"اللهم اعنا علي شهوات أنفسنا و ضعف ارادتنا

"We can make the best or the worst of it 

And i hope you see things that startle you. I hope you feel things you never felt before. I hope you meet people from different point of view. I hope you live a life you're proud of. If you find that you are not, i hope you have the courage to start all over again"