امريكا شيكا بيكا (١)
في مقولة مشهورة منتشرة بين الأمريكان والناس اللي اتعاملوا معاهم بتقول فيما معناه إن الأمريكان بيحبوا أكلهم وكلابهم وسلاحهم.
يمكن الواحد في أول كام أسبوع أو شهر من رحلة لبلد له ثقافة و عادات غير بلده مش بيحس بيها قوي..أو مش بيركز بمعنى أصح ولو ركز بتبقى لإنه سائح وعايز يعرف أكتر عن البلد ويروح يحكي لأهله وصحابه ويأخد التجربة والسلام عليكم ورحمة الله.
بعد ما قعدت هنا فترة وعدينا مرحلة الإنكار والكلام اللطيف ده، كنت نازلة الصبح بدري بالعجلة، وفي طريقي كان في مطعم الأكل السريع الأقرب لقلب الأمريكان، ماكدونالدز.
طابور العيش اللي كنت بشوفه وأنا رايحة المدرسة في إبتدائي الساعة سابعة الصبح، لقيته في أمريكا قدام ماكدونالدز.
مع الوقت عرفت إن ده العادي، الشعب الأمريكي مابيطبخش، بيطبخ في مناسبات أو مرتين في الأسبوع ولا حاجة. هم بياكلوا في البيت نفس عدد المرات اللي الأسرة المصرية بتأكل فيه برا كده..
واحدة من أكتر الحاجات اللي أي جنسية بتضايق منها و بتستنكرها جدا في أمريكا، طريقة أكلهم، خاصة الأوروبيين.
التلات وجبات بتوعهم غالبا بيبقى فيهم لحمة، قليل اللي بياكلوا فراخ، في الأغلب خنزير أو ديك رومي. البيبسي دي حاجة أساسية.. أو أي مشروب غازي عامةً. أما لو أنت مش أندر-إيدج أو مش مسلم، ف الواين بيعتبروه ماية.
الموضوع معروف عن الأمريكان في كل العالم أنا عارفة، بس الواقع شيء تاني.
جملة "الأمريكان بيحبوا أكلهم" حقيقية بشكل مخيف ساعات وبتبان لما حد غير مكترث بالناس زي حالاتي يأخد باله إزاي بيبصوا للأكل وإزاي بياكلوا و ازاي بيهتموا بكل حاجة فيها أكل وإن كل إحتفال لازم له أكل معيَّن و تقاليد معظمها خلاص ارتبطت بالأكل لدرجة إن لو سألت حد إيه الهالوين ده؟ هيقولك اللي بنلف فيه على البيوت و بناكل في حاجات حلوة. طب مرتبط بإيه؟ فكرته جت منين؟ معرفش.
حاجة أخيرة، آه أنا متحفظة على ثقافة الأكل هنا لكذا سبب ولكن يمكن ثقافة الأكل دي بتبين إزاي فئة من الأمريكان- أو على الأقل اللي أنا شفتهم لحد دلوقتي- مش بيبصوا لحد في اللقمة. كل واحد في حاله، ساعات بطريقة مبالغ فيها بالنسبة لي. وده مش مقتصر على الأكل بس. عايز تاكل كتير؟ كل. عايز تاكل صحي وتروح الجيم؟ روح. عايز تموت من الجوع مفيش مشاكل برضو، ماحدش هيتدخل في أي شيء بتعمله من غير إشارة منك.
" الأكل ده نعمة من نعم ربنا، لذة من لذائذ الحياة الكبرى...مش مهم تاكل غالي أو رخيص، المهم إنك تتمتع بالاكل"- خرج ولم يعد.
يمكن الواحد في أول كام أسبوع أو شهر من رحلة لبلد له ثقافة و عادات غير بلده مش بيحس بيها قوي..أو مش بيركز بمعنى أصح ولو ركز بتبقى لإنه سائح وعايز يعرف أكتر عن البلد ويروح يحكي لأهله وصحابه ويأخد التجربة والسلام عليكم ورحمة الله.
بعد ما قعدت هنا فترة وعدينا مرحلة الإنكار والكلام اللطيف ده، كنت نازلة الصبح بدري بالعجلة، وفي طريقي كان في مطعم الأكل السريع الأقرب لقلب الأمريكان، ماكدونالدز.
طابور العيش اللي كنت بشوفه وأنا رايحة المدرسة في إبتدائي الساعة سابعة الصبح، لقيته في أمريكا قدام ماكدونالدز.
مع الوقت عرفت إن ده العادي، الشعب الأمريكي مابيطبخش، بيطبخ في مناسبات أو مرتين في الأسبوع ولا حاجة. هم بياكلوا في البيت نفس عدد المرات اللي الأسرة المصرية بتأكل فيه برا كده..
واحدة من أكتر الحاجات اللي أي جنسية بتضايق منها و بتستنكرها جدا في أمريكا، طريقة أكلهم، خاصة الأوروبيين.
التلات وجبات بتوعهم غالبا بيبقى فيهم لحمة، قليل اللي بياكلوا فراخ، في الأغلب خنزير أو ديك رومي. البيبسي دي حاجة أساسية.. أو أي مشروب غازي عامةً. أما لو أنت مش أندر-إيدج أو مش مسلم، ف الواين بيعتبروه ماية.
الموضوع معروف عن الأمريكان في كل العالم أنا عارفة، بس الواقع شيء تاني.
جملة "الأمريكان بيحبوا أكلهم" حقيقية بشكل مخيف ساعات وبتبان لما حد غير مكترث بالناس زي حالاتي يأخد باله إزاي بيبصوا للأكل وإزاي بياكلوا و ازاي بيهتموا بكل حاجة فيها أكل وإن كل إحتفال لازم له أكل معيَّن و تقاليد معظمها خلاص ارتبطت بالأكل لدرجة إن لو سألت حد إيه الهالوين ده؟ هيقولك اللي بنلف فيه على البيوت و بناكل في حاجات حلوة. طب مرتبط بإيه؟ فكرته جت منين؟ معرفش.
حاجة أخيرة، آه أنا متحفظة على ثقافة الأكل هنا لكذا سبب ولكن يمكن ثقافة الأكل دي بتبين إزاي فئة من الأمريكان- أو على الأقل اللي أنا شفتهم لحد دلوقتي- مش بيبصوا لحد في اللقمة. كل واحد في حاله، ساعات بطريقة مبالغ فيها بالنسبة لي. وده مش مقتصر على الأكل بس. عايز تاكل كتير؟ كل. عايز تاكل صحي وتروح الجيم؟ روح. عايز تموت من الجوع مفيش مشاكل برضو، ماحدش هيتدخل في أي شيء بتعمله من غير إشارة منك.
" الأكل ده نعمة من نعم ربنا، لذة من لذائذ الحياة الكبرى...مش مهم تاكل غالي أو رخيص، المهم إنك تتمتع بالاكل"- خرج ولم يعد.
تعليقات
إرسال تعليق