رمضان

من أول يوم بدأت أكتب فيه كنت قررت إني مش هاكتب في حاجتين..
السياسة والدين ..
السياسة  الكلام فيها في الأيام ديه بقى يحَزن ..

بقى كل واحد برأي ومحدش عارف الحقيقة فين ..

أما الدين .. فـ أنا عارفة إن أكيد ناس مسيحين بيقروا الكلام ده ..
وبما إني مسلمة والحمد لله ف أنا هاكتب عن  الاسلام ... وأكيد المسيحيين مش هيقروا

بس بما إننا داخلين  على شهر رمضان ..
ف أنا اعتذر للمسيحيين عشان أنا مش هأقدر امنع نفسي من الكتابة عن الشهر ده ..

وان شاء الله  بعد ما انتهي من الكتابة عنه .. هارجع تاني أكتب  متفرقات..

أيام تفصلنا عن شهر الصيام ..
بس هو مش شهر الصيام بس .. شهر الصيام والقرآن والتراويح والتهجد ...
شهر الزينه واللمه وكل الحاجات الحلوة ..
بس للأسف الحاجات الحلوة ديه بتختفي سنة بعد سنة ..
حتى  هتلاقي ناس كتير بتقول ..' رمضان مبقاش زي زمان ' ' الفرحة مبقتش زي الأول '
تفتكر رمضان هو اللي اتغير ؟..  ولا احنا اللي اتغيرنا ؟
تفتكر احنا جاهزين لرمضان ؟

عامةً هنشوف الكلام ده في قصة قصيرة من وحي خيالي  .. بس لو تسمحولي مش هاكتبها كلها مرة واحدة
بس أحب اعرفكم على طبيعة القصة وشخصيتها ..

تدور احداث القصة في حي راقي من احياء عروس البحر المتوسط.. الاسكندرية ..
في شقة كبيرة  واسعة  جميلة .. تزورها الشمس فتبعث فيها  روح النشاط
تعيش أسره مكونة من اربعه أفراد ..
الاب  في بداية العقد الخامس من عمره , طويل , موظف كبير في احدى المصالح الحكومية
الام   في منتصف الأربعينيات  , جميلة , ممتلئة بعض الشيء  , ربة منزل
الابنه  تبلغ من العمر العشرين , بيضاء , ذكية 
الابن   الخامسة عشرة عاما , في مدرسة مرموقة  ورغم ذلك فانه يحب الاستماع  إلى مايسمى بالمهرجانات

عندما ننظر للعائلة نجدها رائعة 
فـهي عائلة متعلمة و متحضرة ..
ولكن صدق من قال ان المظاهر خادعة
فقد قرب رمضان .. فماذا ستفعل هذه  عائلة التي نراها متعلمه..
هذا ما سنراه..